Reklama
Ùmówił sã do télewizje, żebë przëznac sã do mòrdarstwa
29/09/2025 11:19
Wëwiôd w lokalny stacje béł przeprowadzony midzë nalézenim całów òfiarów a aresztowanim sprôwcë przez pòlicjã.
W Albany, stolëcë amerikańsczégò stanu Nowi Jork, pòlicjô òstała wezwónô do przeszukaniô chëczë i ògardu piãcdzesąttrzëlatnégò Lorenza Krausa. Jegò starszi wcyg pòbiérelë emeriturã, le wedle donieseniów nicht jich òd czile lat ni miôł widzóné – slédną interwencjã w ti sprawie szandarzë pòdjimnãlë w dwa tësące dwadzestim rokù, le tedë sąsedzë jim rzeklë, że òbòje bëlë wëjachóny za grańcã. Terô służbë przekòpałë pòsesjã Lorenza Krausa i we czwiôrtk dwadzestégò piątégò séwnika nalazłë cała jegò starszich zakòpónëch. Krótkò pò tim òdkrëcym chłop ùgôdôł sã na półgòdzynny wëwiôd do lokalny stacje télewizje, gdze przëznôł sã na wizje do tegò, że sóm zabił swòjich starszich. Tłómacził, że òni ju baro lëchò sã czëlë, tej zadësził piérwi òjca, a pòtemù mëmkã, żebë ju sã ni mùszelë mãczëc ze swòjim lëchim zdrowim. Jegò òjc miôł tedë dzewiãcdzesąt dwa, a matka òsmëdzesąt trzë lata. Kraus scwierdzył téż na wizje, że spòlëznë miałëbë zajic sã szlachòwnyma sprawama i pòzwòlëc dzecóm na legalné skrodzywanié cerpieniów swòjich starszich bez fòrmalnosców. Zarô przed sedzbą stacje na sprôwcã żdelë szandarzë, jaczi gò aresztowelë i pòstawilë òbwinë dëbeltnégò mòrdarstwa. W sobòtã dwadzestégò sódmégò séwnika pòlicjô wëwidniła całą sprawã, a télewizjô jesz rôz mògła wëemitowac wëwiôd z pasownym kòmentarzã.
H.S.Sz.
Reklama
Podziel się swoją opinią
Twoje zdanie jest ważne jednak nie może ranić innych osób lub grup.
Reklama
Wideo
Reklama
Komentarze opinie