Ùretóny z mòrza migrancë òpòwiedzelë szpańsczi pòlicje ò zabicym kòl sétmëdzesąt òsób, jaczich jiny lëdze na bôce winowelë midzë jinszima ò czarzenié.
We wtórk drëdżégò séwnika szpańskô pòlicjô dała do wiadë, że zatrzimała ju szestnôsce òd trzëdzestczi migrantów z zôpadny Africzi winowónëch ò direktné zabicé abò przëczenienié sã do smiercë kòl sétmëdzesąt dwùch kamrôtów w czasu jich rézë bôtã z Africzi na Kanarijsczé Òstrowë. Pò ùretanim bôtua z mòrza przez szpańską Przëbrzéżną Starżã dwadzestégò piątégò zélnika, part lëdzy z pòkładu zeznôł, że karno òd dwadzesce do trzëdzescë òsób zgôdało sã ze sobą i òd zôczątkù òbskarżiwało jinëch ò pòdkrôdanié jôdë i wòdë, a pózdni ò czarzenié i przënôszanié lëchégò kawla, co miało bëc pretekstã do jich zabijaniô. Òfiarë òstôwałë zastrzeloné abò prosto wrzuconé do wòdë. Na taczi ôrt z kòl trzësta dwadzesce òsób wëpłiwającëch w rejs na Kanarijsczé Òstrowë doturzëło dwasta sztërdzescë òsmë. Szandarzë szukają za négą sprôwców pò migrancczich lôgrach. Grozy jim dosmiertnô sztrôfa. Rzecznik pòlicje pòdôwô, że drãgòscą w wëdowiédzë je wiôlgô lëczba swiôdków, rozchôdanié sã jich zeznaniów i felënk precyzjowëch pòdôwków co do lëczbë sprôwców i òfiarów.
H.S.Sz.
Twoje zdanie jest ważne jednak nie może ranić innych osób lub grup.
![Co? Dze? Czedë? [3-8.08]](https://cdn.cmc-gallery.pl/static/files/gallery/590/thumb__1884964_1756835684.webp)
Komentarze opinie