Reklama

Mùzeùm Pòlsczi Pòcztë zôs òtemkłé

Klëka

12/10/2026 11:10

Z Kaszëb, Mùzeùm Pòlsczi Pòcztë òtemkłé - zdjęcie, fotografia

5 rujana bëło òtemkłé pò remónce Mùzeùm Pòlsczi Pòcztë we Gduńskù. Òb czas ùroczëstoscë na Tôrgù Òbróńców Pòlsczi Pòcztë przemôwielë m.jin. prezydent Gduńska Aleksandra Dulkewicz i direktór Mùzeùm Gduńska (chtërnégò Mùzeùm Pòcztë je dzélã) Waldémôr Òssowsczi. Wëstąpiło téż mùzyczné karno Art’n Voices. W òtemkniãcym wzãlë ùdzél przedstôwcë rodzëznów pòcztówców i òbróńców Pòlsczi Pòcztë w Wòlnym Gardze Gduńskù.

Mùzeùm, chtërno pòwstało w 1979 r., ùpamiãtniwô pòcztówców i òbróńców Pòlsczi Pòcztë w Wòlnym Gardze Gduńskù. Òd 1925 rokù przy tôrgù Heweliusza béł Pòlsczi Pòcztowò-Telegraficzny Ùrząd
nr 1 a téż, jistniejącô òd 1920, Direkcjô Pòczt i Telegrafów na Pòmòrzé we Gduńskù (od 1921 - Direkcjô Pòczt i Telegrafów RP we Gduńskù). 1 séwnika 1939 r. ùrząd przë tôrgù Heweliusza napadłë miemiecczé sëłë. Pòlskô Pòczta bróniła sã òb 14 gòdzënów. Ti pòcztówcowie, chtërny przeżëlë, òstelë w wikszoscë rozstrzélóny 5 rujana 1939 r. na gduńsczi Zaspie.
Westrzód òbróńców Pòlsczi Pòcztë we Gduńskù bëlë wielny Kaszëbi, jak np. Alfónks Flisykòwsczi, drëdżi wódca òbronë, czë Frãceszk Kraùze – kùzyna Güntera Grassa. Béł to skùtk tegò, że na Pòlsczi Pòczce we Gduńskù robilë przédno przedstôwcowie Polonii w Wòlnym Gardze Gduńskù. Jima je téż namieniony pòsobny wëstôwk.
Tekst: M. Sz.
Òdjimczi: F.G.

Źródło i opracowanie własne