Reklama

Plasticzno-lëteracczé warkòwnie „Jak pòwstôwô ksążka”

Kùltura

12/10/2026 10:49

Wëdarzenia, Plasticzno lëteracczé warkòwnie „Jak pòwstôwô ksążka” - zdjęcie, fotografia

Warają rozmajité dzejania sparłãczoné z realizacją projektu „Biblioteka z pasją”. 23 séwnika 2026 roku w bibliotekach w Lëni i Strzépczu bëłë plasticzno-lëteracczé warkòwnie prowadzoné przez Aleksandrã Majkòwską. Pisôrka òpòwiôdała ò przigòdach herojów swòjich ksążków – Werónczi i Remùsa.

Òb czas pòtkaniô ùczãstnicë wespół rozmiszlelë ò tim, co je brëkòwné do napisaniô ksążczi. Bëlë zgòdą, że nôwôżniészé są: zòbrazëna, spòsobnosc òbzéraniô swiata wkół se i bëlnô ùdba. Òb czas warkòwniów ùczëlë sã téż, jak twòrzëc czekawé pòstacje i bùdowac zemkłą òpòwiesc. Pòmôgałë jima w tëch zadaniach kôrtë Dixit, jaczé służëłë do interpretowaniô malënków i kòstczi Story Cubes, dzãka jaczim ùczãstnicë twòrzëlë swòje historie.

Pòtemù béł czas na ùsôdzanié tekstów do ilustracjów i twòrzenié gwôsnëch plasticznëch dokazów do wëjimków nowëch przigòdów Werónczi (tim razã w kòsmòsu). Pòwstało wiele czekawëch ùsôdzków.

Reklama

Na zakùńczenié zéńdzeniô Aleksandra Majkòwskô przëszëkòwała dlô wszëtczich niespòdzónkã – czile pamiątków i ksążczi z aùtografã.

Projekt je ùdëtkòwiony ze strzódków Minystra Kùlturë i Nôrodny Spôdkòwiznë pòchôdającëch z Fùnduszu Promòcji Kùlturë.

Red.