Reklama
Sétmë Skrów Òrmùzda
10/02/2026 10:41
Òb wieczór dzesątégò gromicznika bëło zéńdzenié redakcyjnégò kòlegium i redakcje miesãcznika "Pomerania". Òb czas pòtkaniô òstelë wëbróny dobiwcowie Òrmùzdowëch Skrów za 2025 rok. Dostelë je:
WERÓNIKA CENÔWA – wókalistka, szkólnô, promòtórka kaszëbiznë na rozmajiti ôrt, m.jin. ùtwórczka karnôla na YouTube Rodny Voice;
KRISTINA GERSZEWSKÔ – kòcewskô spòlëznowò-kùlturalnô dzejôrka, przédniczka Kòcewsczégò Fòrum Białków;
JOANA GÒSTKÒWSKÔ – spiéwôrka i badérka kaszëbsczi mùzyczi, òsoblëwie ti tradicyjny, ùdbòdôwczka karna „Drëszë”;
Reklama
KATARZËNA KAMROWSKÔ – prowadniczka Karna Piesni i Tuńca „Krëbanë”, spòlëznowò-kùlturalnô dzejôrka na pôłniowëch Kaszëbach;
EMILIÔ MASZKE – aùtórka ùczbòwników do nôùczi kaszëbsczégò jãzëka, szkólnô i direktórka szkòłë w Lësëch Jamach;
RADZËZNA KASZËBÓW, jakô dzejô kòl klubù Arka Gdiniô, reprezentowónô przez Pawła Bienia i Môrcëna Gruchałã – za promòwanié kaszëbsczégò jãzëka i kùlturë òb czas meczów i jinëch dzejaniów klubù;
STOWÔRA LUBÒTNIKÓW HISTORIE PÒMÒRSCZÉGÒ GRIFA „CIS” z Mãcëkała – za rozkòscérzanié historiczny wiédzë westrzód młodégò pòkòleniô Kaszëbów i spòlëznowé dzejanié.
Reklama
Òb czas wczoraszégò zéńdzeniô òstała téż wëbrónô latosô dobiwczka sztipendium dlô kaszëbsczich gazétników m. Izabellë Trojanowsczi. Dostała je GRACJANA PÒTRËKÙS, chtërna dzejała w rozmajitëch prasowëch, radiowëch i internetowëch redakcjach, a òd łońsczégò rokù pisze regùlarno pò kaszëbskù do „Pòmeranie”.
Winszëjemë!
Reklama
Komentarze opinie
Podziel się swoją opinią
Twoje zdanie jest ważne jednak nie może ranić innych osób lub grup.
Reklama
Wideo
Reklama
Komentarze