Reklama
Italskô mafiô pòdpôlô kòtë
27/07/2026 20:39
Ten métel zamiécaniô ògnia je ju w pôłniowi Italsce dobrze znóny. Drãgò dac temù radã jinaczi, jak zmieniwającë lëdzczé mëszlenié.
Pò ògniach kòl Nôrodnégò Parkù Pòllino w Kalabrie w zgòrzałëch lasach służbë trafiłë na szlach pò pòdpôlenim. To miartwé kòtë z szôtorama przërzeszonyma do ògònów. Na szôtorach bëłë néżczi łôtwiepôlnëch substancjów ùżëtëch do pòdpôleniô lasów. Nalezlë téż jinszé dokazë na ùmëslné pòdpôlenié, midzë jinszima swiéce wsadzoné w kòpice szôtorów. Italskô Stowôra dlô Òchronë Zwierzãt i Strzodowiszcza wëznaczëła nôdgrodã tësąc eùro za wskôzanié sprôwców. Baro mòżebné, że drãgò bãdze jich nalezc, bò akcjô je zòrganizowónô przez mafiã. Jã ju dzesãc lat nazôd wëszëznë Sycylie winowałë ò pòdpôlanié lasów i pól z ùżëcym kòtów, żebë pò ùgaszenim ògnia kùpic zemiã i przedac inwestoróm. Òd tegò czasu służbë dostałë infòrmacje, że z mafią ùgôdóné są téż firmë sztelëjącé sã na barnicelów strzodowiszcza – bùdownicë słuńcowëch panelów. Gbùrzë dostôwelë òd nich òfertë kùpiszu jich gruńtów krótkò pò tim, jak jich pòla sã zeżôlëłë. Domenico Costarella, szef Agencje Cywilny Òbarnë Kalabrie, przëznôł, że pilowanié, żebë do pòdpôleniów nie dochôdało, je drãdżé. Je dbë, że do skùńczeniô z taczima praktikama nie sygnie zaprzëżenié wicy sëłów, le spòlëznowô zjinaka w mëszlenim ò strzodowiszczu.
H.S.Sz.
Czytaj nas w Google
Dodaj do Google
Reklama
Komentarze opinie
Podziel się swoją opinią
Twoje zdanie jest ważne jednak nie może ranić innych osób lub grup.
Komentarze
-
Reklama
-
2026-08-27 18:15:08leno dlôcz kòtë, a nié co le bądz jinégò?
odpowiedz
Reklama
Wideo
Reklama
Najnowsze wiadomości
- 20/09 Słowò na niedzelã (20.09.26)
- 17/09 Nôdzejnô przińdnota sledzy ë bretlingów
- 17/09 Òkrôdają bùdelkòmatë, sznëpòrzą pò smietnikach
- 17/09 Na ti starnie mòże ùdac procëmnika rządu
- 17/09 Sygnalistka zdżinãła òb czas kładzeniô sztreczi
- 17/09 MERCZI I... KASZËBSCZÉ NÓTË
- 16/09 Czerowca drëkòwôł dzecóm specjalné bilietë
- 16/09 Rérë na sztrekach w Holandie
- 16/09 Nowi chmùrnik we Gduńskù
- 16/09 Miastkò z atrakcją dlô fanów ùrbexu
- 16/09 Marsz procëm wòjnóm kartelów
- 13/09 Słowò na niedzelã (13.09.26)
- 12/09 Z rëbôków mdą chòwarze swórków
- 12/09 Gdze trafi „Dôr Młodzeżë”?
- 12/09 Białka na pòstãpną wódckã Nordowi Kòreji
- 12/09 Zjôzd repùblikanów w Dallas
- 12/09 WIESOLI REBÙS
- 12/09 PÒD LËPĄ - òbrôzkòwô spiéwa
- 09/09 Béł fardich barnic sã seczerą i nożã
- 09/09 Kònferencjô ò gardach bez aùtołów
leno dlôcz kòtë, a nié co le bądz jinégò?