Reklama

Kaszëbsczi Slowôrzk Rëbacczi / Kaszubski Słowniczek Rybacki

Kùltura

02/12/2025 13:10

Wëdarzenia, Kaszëbsczi Slowôrzk Rëbacczi Kaszubski Słowniczek Rybacki - zdjęcie, fotografia

Kaszëbsczich słowników a słowôrzków nigdë za wiele. Temù rôd witómë „Kaszëbsczi Slowôrzk Rëbacczi / Kaszubski Słowniczek Rybacki” wëdóny bez Mùzeùm Pùcczi Zemi m. Floriana Cenôwë.

Tak pò prôwdze to nié le słowôrzk, ale téż katalóg sprzãtów a nôrzãdłów rëbacczich i fòtokòmiks. Pùblikacjô na je kòntinuacją ksążeczczi wëdóny na jistny ôrt w 2023 rokù pt. „Rëbacczi swiat wëżłobiony dłótã Léòna Gòlli / Świat rybacki wyrzeźbiony dłutem Leona Golli”.

W „Slowôrzkù” ùłożonym w nordowim dialekce bëlacczim nalézemë rozmajité ôrtë pòzwów na rëbacczé nôrzãdła zebróné m.jin. òd mieszkańców Jastarnie, Bòru czë Kùsfeldu. Kò célã ny wëdôwiznë je przede wszëtczim zachòwanié dialektalnégò bògactwa kaszëbsczégò jãzëka.

„Slowôrzk” wëdóny je na dwa ôrtë: wersjã papiorową, co mdze dostãpnô w biblotekach pùblicznëch a szkòlnëch i skróconą, internetową, jaką darmôk mòże scygnąc ze starnë Mùzeùm Pùcczi Zemi: https://muzeumpuck.pl/projekty/kaszebsczi-sloworzk-rebacczi-kaszubski-slowniczek-rybacki/?fbclid=IwY2xjawOaUYNleHRuA2FlbQIxMABicmlkETFhUlpsVWRBZklwNFFKb0tjc3J0YwZhcHBfaWQQMjIyMDM5MTc4ODIwMDg5MgABHr2lglXRxA2sx0sz0U1aA75xLCjBTZoP0BSWkiZUZgjK3GOsKR96850RvEIG_aem_MqYzjGRa70Ud50LeKW7fmg

Òdjimczi z pierszi promòcje, jakô bëla 28 lëstopadnika w Miesczi a Pòwiatowi Pùbliczny Biblotece we Wiôldżi Wsë. Òdj. Kamila Lademann

Dofinansowano ze środków Ministra Kultury i Dziedzictwa Narodowego w ramach programu dotacyjnego “Różnorodność Językowa” Instytutu Różnorodności Językowej Rzeczypospolitej.

Załączniki