Reklama

Nôdgroda dlô kartësczégò starostwa

Klëka

28/09/2024 09:23

Òdjimk: Facebookòwô starna Powiat Kartuski

Znajarze achtnãlë szëk robòtë przë skùńczonym łoni remònce.

Pòlsczi Związk Inżiniérów i Techników Bùdowiznë, jaczi òrganizëje rokroczny kònkùrs „Bùdacjô Rokù”, wëprzédnił robòtë kòl bùdinkù słëchającégò Wëdzélowi Geòdezje i Wëdzélowi Bùdowiznë Krézowégò Starostwa a téż Inspektoratu Bùdowiznowégò Dozéru w Kartuzach przë sz. Kòscëszczi 26. Historicznô sedzba starostwa ùdostała nôdgrodã II stãpnia w kategórie òbiektów przebùdowónëch i rewitalizowónëch.

Òrganizowóny òd 1989 kònkùrs wëprzédniwô nôlepszé bùdowiznowé projektë ò wësoczi rówiznie wëkònaniô w całi Pòlsce.

Nôdgrodzony bùdink pòwstôł na przełómanim XIX i XX stalatégò ze sparłãczeniégò dwùch jinëch bùdinków. Służił jakno sedzba starostwa, krézowi nôrodny radzëznë, ùrzãdu cywilnégò stanu, spółdzelniowégò bankù a téż rejonowégò sądu. Dérëjącô 12 miesãcy, a zakùńczonô w 2023 r. przebùdowa, miała przëwrocëc bùdinkòwi historiczny wëzdrzatk z 1905 r., znóny z tamtoczasnëch pòcztowëch kôrtków.

H.Sz.