Aktiwné òstrzódczi do pùrgòwaniô wëzwëskałë czile sniéżnëch dni do zebraniô sniegù na spichë. Òne bë miałë przez jaczis czas wëtrzëmac wrôcającą kòpniã.
Żebë pòzjeżdżac na pùrgach, to ni mùszi jachac w górë. Czile dni sniegù sygło, żebë òdemknąc òstrzódczi do pùrgòwaniô na Kaszëbach. Pòmògłë téż nisczé temperaturë òb noc noc, dzãka czemù szło pasowno nasnieżëc spichë. Zrobiłë to òstrzódczi „Paczoskòwò” w Kòsowie (gm. Przedkòwò), „Trzepòwie” w Trzepòwie (gm. Przëwidz), „Kòtlinka” w Szimbarkù (gm. Stãżëca) czë „Kòszałkòwò” we Wieżëcë (gm. Stãżëca). Sniég z òkòlégò òstrzódków òstôł zebróny na górczi tak, że ùdało sã zrobic wiôrztã kòl 20-30 cm, co je bezpieczną grëbòscą do zjéżdżaniô na pùrgach. Znajarze òd wiodra zapòwiadają zelgã i rost temperaturów, we wiele placach zôs to dô kòpniã, le na spichach w òstrzódkach zebrónô wiôrzta miałabë wëtrzëmac dłëżi. Jich miéwcë równak rechùją na wicy sniegù.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie