Wnetka 90% òdbiérców na òstrowie Pòrtorikò ni mô przëstãpù do elektriczny energie. Awariô òstónie cawno ùprawionô ju w nowim 2025 rokù.
Òd wtórkù 31. gòdnika reno na wikszoscë Pòrtorikò ni ma sztrómù. Zarządzającô energetiką na òstrowie firma Luma Energy pòdała, że do awarie doszło przez ùszkòdë w pòdzemnëch energeticznëch liniach. Pierszé wëłączenia sztrómù òdczëła gmina Guayanilla na pôłnim tegò nieinkòrpòrowónégò teritorium Zjednónëch Stanów. Ùprawienié stojiznë mô zajic òd 24 do 48 gòdzyn, co òznôczô że mieszkańcë Pòrtorikò przëwitelë nowi rok pò cemkù. Energie ni ma 1,2 mln òd 1,47 mln òdbiérców – wnetka 90%. Nowò wëbrónô gùbernatórka òstrowù Jenniffer González Colón, jakô mô òbjic ùrząd 2. stëcznika, zapòwiedzała ùsadzenié òrganu do zbadérowaniô rzetelnoscë dzejaniô firmë Luma Energy przez slédné lata, a téż rozwôżenié nalézeniô nowégò òperatora elektriczny energie. Pòrtorikò biôtkùje sã z tôklama w przesélënkù sztrómù òd 2017 r. Ju wnenczas lëchò kònserwòwóné energeticzné jadro òstało ùszkòdzoné przez huragan Mariô.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie