Ju mòże ùżëwac nowégò przechòdu dlô piechtnëch, le to jesz nié kùńc robòtów w tim placu.
Òd sobòtë 27. rujana jidze ju kòrzëstac z nazemnégò przechòdu dlô piechtnëch kòl banowiszcza PKP Gduńsk Przédny. Je to dodôwkòwô leżnosc przéńscô na drëgą starnã Gardzczégò Pòdwalégò. Dotądka nót bëło jic przez pòdzemny tunel, przë jaczim fùnsknérowałë téż wcygôcze dlô inwalidów. Nowé przeńscé nad szasëją òznôczô téż spòmalenié rësznotë aùtołów na tim dzélëkù drodżi.
Prze przeńscym òstałë ùstawioné nowé drogòwé widë. Na placu wcyg dérëje bùdacjô przechòdu dlô kòłów a téż nowëch wiatów na elektriszowëch przëstónkach. Do tëch nie mdze szło ju duńc przez pòdzemny tunel – pasażérowie elektriszów bãdą mùszelë ùżëwac weńscô òd starnë szasëje. Direkcjô Rozbùdowë Gardu Gduńska pòdôwô do wiadë, że w òbrëmim wãzła pòwstóną téż pòstojowé place kiss & ride kòl banowiszcza, elektriszowé peronë bãdą wëdłużoné, a na przëstónczi bãdze szło téż wéńc z nowégò przechòdu dlô piechtnëch.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie