Dobiwcë kònkùrsu „Pòmòrsczé Żôgle Wiédzë” pòszmakają żëcô na mòrzu na pòkładze trzëmasztowégò żeglôcza.
W piątk sódmégò strëmiannika spòd Marszôłkòwsczégò Ùrzãdu we Gduńskù òdjachôł aùtokar z trzëdzescë szesc finalistama kònkùrsu „Pòmòrsczé Żôgle Wiédzë”, w jaczim szkòlôcë wëżispòdlecznëch szkół mielë nagrac czileminutowi film ò òsobie sparłãczony z mòrzã abò żeglôrką. Dobiwcë pò galë w Marszôłkòwsczim Ùrzãdze i òddzãkòwanim sã ze starszima pòjachelë na tidzeniową rézã do Niceji we Francje, gdze weńdą na pòkłôd òkrãtu STS Pogoria. Tam na rejsu do Genuji bãdą mielë zajmë z mòrsczégò prawa, żeglarsczich zwëków i nawigacjowi prakticzi. Pòwrót je zaplanowóny na szestnôstégò strëmiannika. Projekt „Pòmòrsczé Żôgle Wiédzë” je rëchtowóny przez Samòrządzënã Pòmòrsczégò Wòjewództwa we wespółrobòce z Akademią Fizycznégò Wëchòwaniégò we Gduńskù i Pòmòrsczim Żeglarsczim Związkã.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie