Reklama

Nastãpniczka Maduro nie mdze słëchała Waszingtonu

Klëka

27/01/2026 12:48

Delcy Rodriguez. Òdj. https://prensapresidencialvenezuela.gob.ve/index.php/2026/01/05; zdrzódło: https://pl.wikipedia.org/wiki/Delcy_Rodr%C3%ADguez#/media/Plik:Delcy_Rodr%C3%ADguez_asume_como_Presidenta_Encargada_de_la_Rep%C3%BAblica_Bolivariana_de_Venezuela_04_(cropped).jpg

Trump dotądka gôdôł ò ùdóny wespółrobòce z Delcy Rodriguez. Wëzdrzi równak na to, że ùsłësznosc wedle Stanów nie je takô gwësnô.

Pò òperacje amerikańsczégò wòjska we Wenezuelë i pòjmanim prezydenta Nicolása Maduro jegò òbrzészczi przejimnãła wiceprezydentka Delcy Rodriguez. Dotądka ji pòlitika wichlała sã midzë ùtrzëmiwanim pòpiarcô ù przëstojników Maduro a czënienim do wòlë Zjednónym Stanóm, jaczé wedle słów jich prezydenta Donalda Trumpa miałë wzyc Wenezuelã pòd swój dozér. Terô równak Rodriguez zmieniwô narracjã. Òb czas zetkaniô z przedstôwcama petrólkòwi industrie w Puerto La Cruz w pòniedzôłk dwadzestégò szóstégò stëcznika rzekła, że ùsłësznosc Amerikanóm mùszi sã skùńczëc. „Dosc rozkazów Waszingtonu co do pòlitików w Wenezuelë” – pòwiedzała Delcy Rodriguez. Wëdarzenié bëło transmitowóné na żëwò przez państwòwą telewizjã. Nôgwësni przédny cësk, jaczi dôwają Stanë, a stikają sã ze sprocëmnienim ze starnë Wenezuelë, to ten, co sã tikô produkcje petrólczi. Ùregùlowanié tegò rënkù bëło jedną z bùszniészich zôpòwiesców Trumpa jeżlë jidze ò dozéranié wenezuelsczi pòliticzi pò rëmniãcym Maduro ze stanowiszcza.

H.S.Sz.

Załączniki