Projekt Northlink mô rozwic kòsmiczną starżã nad Arktiką w òdpòwiescë na dzejania Rusków òkòma ni.
Na dérëjącym do piątkù 18. rujana zetkanim ministrów òbarnë krajów NATO w Brukselë òstôł zacwierdzony plan na bùdacjã nowégò spòsobù midzënôrodny łączbë dlô Arkticzi, w òdpòwiescë na zwikszoną aktiwnotã rusczégò wòjska w arkticzny òbéńdze. Chòdzy ò dzejania procëm USA, Kanadze i jich zdrësznikóm, taczé jak zagłuszanié sygnału GPS i lecbë wòjskòwëch fligrów łómiącé sztandardë midzënôrodnégò prawa.
Nen projekt, znóny pòd pòzwą Northlink, mô zajic sã rozwijã bezpiecznégò, wëtrzëmałégò a sprôwnégò systemù satelitarny kòmùnikacje midzë krajama Nordowòatlanticczi Zdrëszënë w Arktice. Nimò, że NATO òd 2018 rokù ùznôwô kòsmiczny rum za piątą òbéńdã swòjich dzejaniów, òrganizacjô ni mô gwôsnëch satelitów, dlôte projekt mô bëc zwënégòwóny z ùżëcym kòmercjalnëch jednostków. Ùgôdënk ò systemie Northlink pòdpisało 13 krajów zdrëszënë: Kanada, Dëńskô, Fińskô, Francëskô, Niemieckô, Madżarskô, Italskô, Luksembùrg, Niderlandë, Norweskô, Szpańskô, Szwédzkô, Tëreckô, Wiôlgô Britaniô i Zjednóné Stanë.
Twoje zdanie jest ważne jednak nie może ranić innych osób lub grup.
Komentarze opinie