Rozwôloné chëcze i nimòżebnosc transpòrtu do zgłoszeniów przez retarzów to przédné skùtczi nôgòrszégò cyklonu na òstrowie Majotta òd 90 lat.
W sobòtã 14. gòdnika cyklón Chidô grzimnął w słëchający Francësce òstrów Majotta na Mòzambicczim Karnôlu midzë Mòzambikã a Madagaskarã. Wiater ò chùtkòscë 220 km na gòdzënã na całim òstrowie sprawił wiôldżé zaszkòdë, w tim w gardze Mamoudzou, stolëcë Majottë.
Béł to nôgorszi cyklón w tim môlu òd 1934 rokù. Òsoblëwie drãgô stojizna je w slumsach. Cyklón ùszkòdzył téż bòlëcã, szkòłë i latawiszcze. Do te òd sobòtë w 85% chëczi ni ma sztrómù. Ùcãżony je téż przistãp do wòdë do picô.
Wedle pierszich wiadłów pòdôwónëch przez bùtnowé agencje, przez cyklón zdżinãło 14 lëdzy. Włôdze òstrowù równak są dbë, że ta lëczba mòże dochadac òd czileset do czile tësãcy òfiarów. Retowné służbë ni mògą dojachac do brëkùjącëch pòmòcë przez leżącé na drogach szmërglënë òd rozwôlonëch bùdinków.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie