Sztaturczi w fòrmie medalów z wińcama dostelë dzejarze z zasługama dlô kaszëbsczi kùlturë.
We czwiôrtk dwadzestégò dzewiątégò maja w Centrum Swiãtégò Jana we Gduńskù zrëchtowónô òstała gala przëznaniô pierszich Nôdgrodów Tédorë dlô aktiwnëch dzejarzów kùlturë i kùńsztu na Pòmòrzim. Nôdgroda je pòzwónô pò Tédorze Gùlgòwsczi, znóny jakno wespółzałóżczka mùzeùm na wòlnym lëfce we Wdzydzach i ùsôdzczka kaszëbsczégò wësziwkù. Na galë béł bëtny marszôłk pòmòrsczégò wòjewództwa Mieczisłôw Struk. Òdznaczoné bëłë trzë białczi, jaczé zajimałë sã midzë jinszima kaszëbską kùlturą: czerowniczka jastarnicczégò kina Żeglôrz Patricjô Blindow, zrzeszonô z Kaszëbsczim Lëdowim Ùniwersytetã we Wieżëcë Sulisława Bòrowskô a téż pedagóżka i animatórka Éwa Òrzechòwskô. Wëapartnienié dostôł téż lëdowi ùtwórca Czesłôw Hinc. Òdznaczony dostelë pieniãżną nôdgrodã a téż sztaturczi w fòrmie medalów ze stalë i plastikù zrobionégò z bùrsztinu, kwiatów a wòdoroscënów, z ùwiczlonym wkòl nich aluminowim wińcã, wedle projektu Blanczi Bërwë.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie