Reklama
Netanjahu prosy ò łaskã
02/12/2025 12:27
Trzë procesë ò kòrupcjã są òbcążenim dlô izraelsczégò premiérë. Jak rzecze, skłôdającë wniósk ò ùłaskawienié mëslôł ò dobru kraju.
Òd piãc lat procëm premiérze Izraela Benjaminowi Netanjahu prowadzoné są trzë sztrôfné procesë. Pòlitika winëją ò kòrupcjã: branié pòdpłacënkù, szachlarstwò i nadùżëcé włôdzë òb czas ùprzédnégò ùrzãdowaniô jakno szef rządu. Wedle Netanjahu dzejania sądów ùtrëdniwają mù sprawòwanié włôdzë. Za przëmiar pòdôł, że niedôwno mùszôł trzë razë w jeden tidzéń składac zeznania w swòji sprawie. Dôł do wiadë, że złożił wniósk ò ùłaskawienié. Gôdô, że w jegò priwatnym interesu bëłobë doprowadzëc sprawã do kùńca i dokazac swòji niedowinnoscë, ale dlô spòlëznë i państwa zwëskòwné bãdze jegò chùtczé ùłaskawienié ë ùmòżebnienié swòbódnëch rządów, co mô téż pòmòc w òdnowie nôrodny jednotë. Rechùje na ùłaskawienié przed wërokã, co je mòżebné w Izraelu, ale dotądka bëło ùżëté leno rôz. Do prezydenta Izraela Izaaka Herzoga ju przódë doszła prosba ò ùłaskawienié Netanjahu òd Donalda Trumpa. Herzog mùszôł mù tedë przëbaczëc, że wedle izraelsczégò prawa taczé wniósczi mòże składac abò sóm winowóny, abò jegò nôblëższô rodzëzna, a nié prezydent cëzégò państwa. W òdpòwiescë na nônowszi kòmùnikat Netanjahu prezydent scwierdzył, że terô złożenié wnióskù bãdze miało jawerné kònsekwencje.
H.S.Sz.
Aktualizacja: 02/12/2025 13:37
Reklama
Podziel się swoją opinią
Twoje zdanie jest ważne jednak nie może ranić innych osób lub grup.
Reklama
Wideo
Reklama
Komentarze opinie