Part gduńsczich pieglëszczów òstôł zamkłi na czas akcje. Òsmë patrónów jesz żdaje na znikwienié przë jinszi òrãdzë.
Òd rena we strzodã 13. smùtana na Gduńsczi Hôwindze dérowała akcjô neùtralizacje nalazłëch na bùdowie płiwającégò terminala zemnégò gazu niewëbùchów – artilerijsczich patrónów kalibru 210 mm z cządu II swiatowi wòjnë. Zajãlë sã tim pòdwòdnicë z 13. Diwizjonu Trałówców z Gdinie. Chòc akcjô bëła prowadzonô pòd wòdą, dalek òd sztrądu, zamkłé bëłë pieglëszcza midzë Nordowim Pòrtã a Sobieszewsczim Òstrowã. Żôłnérze delë radã zabrac z terminala i znikwic w głãbie hôwindżi 24 z 32 zidentifikòwónëch zalégającëch niewëbùchów – négą zajimną sã pózni.
Akcjã òkrãcëznë wspiarła pòlicjô, jednostczi Mòrsczégò Ùrzãdu i Grańcowi Starżë. Bëła òna zrealizowónô we wespółrobòce z òrganama samòrządów.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie