Reklama
Nie psëją sã kòła Mevò w tã zëmã?
18/02/2026 10:55
Za czim kòła mają stojec, jak i tak sã nima lëchò jedze? Bãdze szło jich jesz brëkòwac pò zeldze? Przedstôwstwò Metropòlitarny Òbéńdë Trzëgardu òdpòwiedzało na te pitania.
Latosô zëma je nôòstrzészą, z jaką sã mierzi system wëpòżiczaniô kòłów Mevò òd zôczątkù swòjégò dzejaniô. Na elektriczné kòła dërch padô sniég, niechtërne leżą w smiotach, a lëdze nie są tak chãtny nima jezdzëc w szlãpie i pò lodze. Są wątplëwòscë, czë to nie szkòdzy kòłóm, a téż czë bãdze szło jich ùżëwac, jak ju przińdze zymk. Nataliô Gawlik, znajôrka òd kòmùnikacje Metropòlitarny Òbéńdë Gduńsk Gdiniô Sopòt, dała do wiadë, że òperatór sytémë City Bike Global nie zmerkôł niżódnëch ùszkòdów, co bë prosto wëchôdałë z nisczich temperaturów, sniegù czë lodu. To je dlôte, że jich nanëczi, blokadë i systémë regùlacje sedzeniów mają nasmarowóné substancjama wëtrzëmałima na mróz. Òperatór wcyg zagwësniwô téż regùlarné przezérczi kòłów, a dzãka systemòwi jich lokalizacje ne, co leżą na zemi pòd sniegã, téż wëcygają i sprôwdzają. Gawlik pòwiedzała jesz, że ni ma ani brëkòwnotë ani mòżebnotë wëcopac kòłów z ùżiwkù na zëmã, bò pòdpisóné ùgôdënczi kôżą òperatorowi ùprzëstãpniwac jednoszlachë przez całi rok na terenie sétmënôsce gminów, co przëjimnãłë systémã Mevò. W zëmòwé miesące dali je do ùżiwkù òsmëdzesąt procent całi flotë.
H.S.Sz.
Reklama
Komentarze opinie
Podziel się swoją opinią
Twoje zdanie jest ważne jednak nie może ranić innych osób lub grup.
Reklama
Wideo
Reklama
Komentarze