Reklama
Nie zapłacëlë kòmikòwi za szpòrtë z bùrméstra
16/11/2025 19:01
Decyzją Gminnégò Òstrzódka Kùlturë zadzëwòwóny béł tak artista jak i bùrméster, chtëren je ti dbë, że je nót równak miec do se distans.
Na Gminnym Dniu Seniora w Czerskù, jaczi béł zrëchtowóny w piątk sódmégò smùtana, wëstãpòwôł midzë jinszima gnieznieńsczi kòmik i stand-upéra Tomôsz „Karp” Bartkòwiôk. Czile dni pòtemù na swòjim profilu na facebookù ùprzëstãpnił rolkã, w jaczi òpòwiedzôł ò tim, jak krótkò pò wëstãpie zwòniła do niegò direktórka Gminnégò Òstrzódka Kùlturë i òszkalowała gò za szpòrtë z bùrméstra Czerska. Zapòwiedzała téż, że kòmik nie dostónie za wëstãp niżódnëch dëtków. Jak tłómaczi artista, w jednym sztóce pò prôwdze zaszpòrtowôł sobie z bùrméstra, gôdającë, że mòże òn bëc pichùrã. Przë tim wszëtczim ùtrzëmiwôł òn z pòlitikã zdrokòwi kòntakt i widzôł, że nen sóm sã z tegò smiôł, a kùreszce pònta szpasu wëwidniła jegò absurd, jak to ze szpasama. Pòcwierdzywô to sóm bùrméster Daniél Szprãga, jaczi szpòrtã sã nie czëje nijak òbrażony. Przekôzôł, że jiscy gò to, jakô òpiniô mòże terô jic w swiat ò gminie Czersk. Rzekł, że bãdze miôł starã ò to, żebë kòmikòwi równak zapłacëlë, bò doch za robòtã słëchô sã mito.
H.S.Sz.
Reklama
Komentarze opinie
Podziel się swoją opinią
Twoje zdanie jest ważne jednak nie może ranić innych osób lub grup.
Reklama
Wideo
Reklama
Ten komentarz jest ukryty - kliknij żeby przeczytać.