Reklama
Nielegalnô demòntowniô aùtołów w gminie Czersk
11/10/2024 10:25
Rozbiérelë tam stôré i rozbité aùtołë. Niezabezpieczoné wòzë i jich partë leżałë na zemi.
W gminie Czersk w chònicczim krézu dron czerowóny przez słëpsczich wòjewódzczich szpektorów òchrónë strzodowiszcza zrobił òdjimczi nielegalnégò placu rozbiéraniô wòzów. Na jednym môlu nalazło sã czileset aùtołów w rozmajitim stãpniu demòntażu, a téż skòpicą aùtołowëch partów czë nôrzãdłów i ùrządzeniów do rozbiéraniô.
Wòzë i jich partë bëłë pòùkłôdóné kòpicama, zarô na gruńce, co z pòzdrzatkù na chemiczné substancje w aùtołowëch partach mòże sprawiac zagrôżbã dlô stojiznë òbrodny zemi i nôtërnégò strzodowiszcza. Szpektorowie ju dokònelë brëkòwnëch dzejaniów na placu, a sprôwcë tegò pòstãpkù bãdą pòcygniony do òdpòwiedzalnoscë.
Reklama
Wedle òbtaksowaniów Wòjewódzczégò Szpektoratu Òchrónë Strzodowiszcza, nielegalnô demòntowniô mùszi jistniec ju wiele lat. Za rozbiéranié wòzów w môlach, jaczé nie są na to namienioné, grozy dëtkòwô sztrôfa òd 15 tësący do pół milióna złotëch.
H.S.Sz.
Reklama
Komentarze opinie
Podziel się swoją opinią
Twoje zdanie jest ważne jednak nie może ranić innych osób lub grup.
Reklama
Wideo
Reklama
Komentarze