Reklama

Niewòlnik szescdzesąt psów

Klëka

13/12/2025 15:42

Chihuahua. Òdj. Caterinarufo; zdrzódło: https://pl.wikipedia.org/wiki/Chihuahua_(rasa_psa)#/media/Plik:Standard_razza_chihuahua.jpg

Chłop béł zamkłi w klôtce bez jôdë i wòdë, a tósze chòdzëłë pò mieszkanim razã ze swòją miéwcką. Ta ùczëła òbwinë, a na zôczątkù rokù ùczëje wërok.

W Belgie pòdelë do wiadë, że prowadzony je proces procëm białce z môlëznë Grobbendonk we Flandrie w sprawie drãdżégò przëtrôfkù domôcy przemòdżi na swòjim chłopie. Pôra òżeniła sã w zélnikù łońsczégò rokù. W chëczë żëło z nima téż szescdzesąt psów chihuahua, jaczé słëchałë do białczi. Zajimac sã nima òb dzéń i noc miôł chłop. Białka zamikała gò w klôtce dlô psów, czãsto bez jedzeniô a picô, a chihuahuóm dôwała biegac lóz pò mieszkanim. Czej dwa psë zdechłë, białka chilnãła na chłopã warã. Regùlarno gò téż biła piscama, grónkama i krzasłama. Mãczenié swòjégò slëbnégò colemało nagriwała mòbilką. To pózdni dlô prokùraturë stało sã jednym z nôwôżniészich dokazów w sprawie. Sprôwckã zatrzimelë latos w strëmiannikù, pò tim jak chłop zwiornął z dodomù i pòszedł pò pòmòc do sąsadów. Wërok w sprawie mô bëc wëdóny ju w stëcznikù. Przesprôwcce grozy òsmë lat sôdzë.

H.S.Sz.