Reklama
Niżódnëch królów – wòłają Amerikanie
19/10/2025 06:04
Procëmnicë Donalda Trumpa zrëchtowelë tësące protestów w jeden dzéń. Wzyc w nich ùdzél mògło nawetka sétmë miliónów lëdzy, jaczi widzą w jegò dzejaniach zagrôżbã dlô amerikańsczi demòkracje.
W sobòtã òsmënôstégò rujana we wszëtczich piãcdzesąt amerikańsczich stanach w sëmie kòl dwa tësące protestów a demònstracjów zrëchtowelë procëmnicë prezydenta Donalda Trumpa. To drëgô takô akcjô pò szlachòwnym dniu protestów latos w czerwińcu, a parłãczi je zéwiszcze „No Kings” – „Niżódnëch królów”. Mòtiwã dlô protestów je wedle pòliticzi prezydenta òsoblëwie òd zôczątkù jegò drëdżi kadencje, ùznóny za aùtoritarną. Chòdzy ò taczé prakticzi jak wëséłanié Nôrodny Gwardie do miast, stëgòwanié za lewiznowima òrganizacjama pòd pretekstã biôtczi z terrorizmã i pòliticzną przemògą, a téż depòrtacje za przesprawë bez procesu. Bëtnicë demònstracjów òdnôszają sã nié leno do terny stojiznë, ale przëbôcziwają téż amerikańską historiã i demòkraticzny etos. Niechtërny repùblikańsczi gùbernatorzë jak gùbernatór Teksasu Greg Abbott i gùbernatór Wirginie Glenn Youngkin, kôzelë stanowim półkóm Nôrodny Gwardie stanąc w pòszëkù, chòc pòlicjô pòcwierdzywô, że w wikszoscë protestë mają mirny charakter.
H.S.Sz.
Aktualizacja: 19/10/2025 16:09
Reklama
Podziel się swoją opinią
Twoje zdanie jest ważne jednak nie może ranić innych osób lub grup.
Reklama
Wideo
Reklama
Komentarze opinie