Reklama
Nëkba za złotã w Repùblice Pôłniowi Africzi
21/02/2026 14:21
W òbéńdze zamkłëch niedôwno kòpalniów òd czile dni zôs je prowadzoné wëdobëcé – nielegalné ë réskòwné.
Rëgnãła wiada, że w òbéndze gardu Springs na pòrénk òd Johannesbùrga w Repùblice Pôłniowi Africzi jeden chłop trafił złoto w zôgrodze dlô bëdła. Dokładno zôgroda bëła w niefòrmalnym sedlëszczu zwónym Gùgùlethu. Lëdze z òkòlégò rëszëlë szëkac za złotã, halającë bëczi, szëfle, miechë i misë. Na plac zwôżają téż niebezpieczné substancje jak rtãc i cëjónk natrie, żebë tamò dorazu òddzelëc złoto òde rcë. Drobné wielënë ùdało sã mieszkańcóm nalezc, a spòdzéwają sã jesz wicy. W Springs jesz do niedôwna dzejałë czerpiszcza złota, le te zamklë czile lat dowsladë, bò ju nie lónowałë. Ministerstwò strzodowiszcza przestrzegło przed nielegalnym czerpanim złota, przëbôcziwającë, że bez regùlacjów taczé dzejania mògą doprowadzëc do niesztabilnotë gruńtu. Mieszkańcë dobrze wiedzą, że dzejają procëm prawù, ale ni mają ùdbóné rezygnowac z wizje dorobieniô na czôrnym rënkù. Wiele rzecze, że jakbë rząd jima zezwòlił na wëdobëcé w Gùgùlethu, chãtno bë zapłacëlë òd swòjégò zwëskù pòdatk. Jak na terô na môl nie bëłë sczerowóné niżódne służbë, co bë miałë strzëmac lëdzy przed czerpanim.
H.S.Sz.
Reklama
Komentarze opinie
Podziel się swoją opinią
Twoje zdanie jest ważne jednak nie może ranić innych osób lub grup.
Reklama
Wideo
Reklama
Komentarze