Direktór szkòłë Jarosłôw Bréza gôdôł ò zjisconëch rojeniach całi szkòłowi spòlëznë. Stanãła hala na miarã dwadzestégò pierszégò wiekù.
W piątk jednôstégò łżëkwiata kòl Szkòłowò-Przedszkòłowégò Karna nr 3 w Kòscérznie do ùżiwkù òstała òddónô nowô spòrtowô hala. Bùdink mô trzëdzescë sétmë na dwadzesce métrów i sto piãcdzesąt sedzącëch placów dlô òbzérników, a téż wszelejaczé dodôwkòwé òbiektë, jak ruchnice i edukacjowé zale. Nowô hala bãdze brëkòwónô nié blós przez szkòlôków, ale téż przez wszëtczich mieszkańców Kòscérznë. Projekt miôł téż za cél zagwësnienié bëlny akùsticzi, żebë szło bënë òrganizowac kùlturalné wëdarzenia. Te wôrtnotë sprôwdzëła zrëchtowónô ùroczëzna òdemkniãcô, na jaczi bëłë wëszëznë szkòłë a téż samòrządu, a jaczi towarzëłë mùzyczné i tuńcowé wëstãpë. Bùdacjô halë kòształa trzënôsce miliónów złotëch, z czegò dwanôsce bëło ùdëtkòwioné z Pòlsczégò Ładu i Ministerstwa Spòrtu.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie