Zestôwk przëjimniãtëch ùchwôlënków tikôł sã téż dalecznoscë lokalów òd szkòłów i placów spòlëznowi pòmòcë.
We czwiôrtk dwadzestégò sódmégò strëmiannika Radzëzna Gardu Gduńska przëjãła ùchwôlënk, jaczi zakazéwô przedażë alkòholu w grańcach gardu òd dzesąti w nocë do szósti reno. Ta zmiana zacznie fùnksnérowac òd pierszégò séwnika. Òd pierszégò stëcznika przińdnégò rokù mô za to wéńc w żëcé ògrańczenié co do dzejaniô krómów z alkòholã i lokalów pòdôwającëch je na placu. Te pierszé nie bãdą mògłë prowadzëc ti przedażë blëżi jak sétmëdzesąt piãc métrów òd szkòłów, dodomów spòlëznowi pòmòcë i òstrzódków pòmòcë bezdomôcym i ùzanôleżnionym. Dlô lokalów, gdze sã pije bënë, ten limit to trzëdzescë métrów. Radzëzna zwikszëła téż lëczbã zezwòleniów na przedôwanié mòcniészich sznapsów, co mô zletczëc kòntrolã ti przedażë w całim miesce. Ten zestôwk ùchwôlënków mô bëc métlã na za czãsté nocné interwencje szandarów kòl dzysdnia fùnsknérëjącëch krómów. Za ùchwôlënkã welowało dwadzescë szesc radnëch, òd głosu strzimało sã sétmë.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie