Reklama

Nocny òdżin i akcjô ògniarzów w Wòjskù

Klëka

13/01/2025 21:18

Pòzdrzatkòwi òdjimk. Zdrzódło: facebookòwô starna OSP w Bòrowim Młënie

Stolëmné stratë pònieslë miéwcowie dwùch garażów w Wòjskù w gminie Lëpińce na Gôchach.

Pò gòdz. 2.00 w nocë w niedzelã 12. stëcznika służbë dostałë zgłoszenié ò wiôldżim ògniu we wsë Wòjsk w gminie Lëpińce. Na môlu kanãło 15 półków ògniowi starżë, te zaczãłë zarô gasëc płonącé dwa garaże, chtërne stojałë kòl chëczë, z jaczi mieszkańcë sã ewakùòwelë jesz przed przëjachanim służbów. 
Czej ògniarze przëjachelë, òdżin sfórtowôł rozwic sã ju na tëli, że òba garażë spôlëłë sã do nédżi. W nich zaparkòwóné bëłë m.jin. aùtobùs, bùs i treker słëchającé do mieszkańców. Zeżôlëłë sã téż gbùrsczé maszinë i jinszé ôrtë sprzãtu. Òb czas gaszeniô majątkù wëbùchła téż jedna bùdla z gazã.
Całé stratë òstałë òbtaksowóné na 800 tës. złotëch. Jesz nie je wiedzec, dlôcze òdżin wëbùchł. Nimò wiôldżich materialnëch stratów, szczescé że nicht òd mieszkający w chëczë rodzëznë nie òstôł reniony.

H.S.Sz.