Sto sztërdzescë métrów to wnetka dwa razë wicy jak nôdłëgszé dotądka kòrejańsczé òkrãtë.
Amerikańsczi znajarze przebadérowelë satelitarné òdjimczi dotëgòwóné przez priwatną pòdjimiznã Maxer Technologies. Z szóstégò łżëkwiata pòchôdają fòtografie òkrãtownie w Nampò na zôpadnym sztrądze Nordowi Kòreje. Je na nich widzec dérëjącą bùdacjã wiôldżégò òkrãtu, jaczi òstôł zidentifikòwóny jakno rakétowô fregata – òkrãt, jaczi bë halôł rakétë w zamòntowónëch na pòkładze wërzutniach do ùżiwkù procëm célóm na zemi ë mòrzu. Dłużawa srãbù òstała òbtaksowónô na sto sztërdzescë métrów. Béłbë to tej nôwikszi wòjskòwi òkrãt w historie flotë Nordowi Kòreje, wnetka dwa razë dłëgszi jak colebądz, co w ni służëło dotądka. W ti je dzysdnia kòl sztërësta patrolowëch jednostków i sétmëdzesąt pòdwòdnëch, a chòc je to dosc wiele, to wikszosc z nich je stôrô i môłô. Krôj równak przeprowôdzô generalną mòdernizacjã swòji wòjnowi marinarczi, a nowi òkrãt nôgwësni je jednym z ji nôwikszich projektów.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie