Nowi rusczi ùstôw ò wespółrobòce z Nordową Kòreją zakłôdô rëgniãcé na ruskò-ùkrajińsczi front żôłnérzów wëchòwónëch w pjongjandzczim reżimie.
Rusczé media pòdałë do wiadë, że prezydent Rusczi Władimir Pùtin wniósł do parlamentu projekt ùstawù ò strategiczny wespółrobòce z Nordową Kòreją. Je òn brzadã ùgôdënkù pòdpisónégò przez Pùtina w Pjongjangù latos w czerwińcu. Wedle bédowónégò ùstawù, w przëtrôfkù docygóny zagrôżbë dlô samòstójnotë dlô jedny ze strón, są òne nawzôjno òbrzeszoné do daniô sobie wòjskòwi pòmòcë. Przëjãcé tegò ùstawù ùmòżebni tej midzë jinszima ùdzél regùlarnëch nordowòkòrejańsczich wòjskòwëch òddzélów w wòjnie midzë Ruską a Ùkrajiną. Dzysdnia w Rusce ju dérëją wòjskòwé szkòlenia czile tësãcy żôłnérzów Kim Dzong Ùna.
Prezydent Ùkrajinë Wòłodimir Zełensczi nawlekł do donieseniów ò tim ùgôdënkù w swòji pòniedzôłkòwi mòwie. Scwiercdzył, że Nordowô Kòreja przez przëjãcé òbrzészkù wëséłaniô swòjich lëdzy na front prakticzno ju doparłãczëła sã do ruskò-ùkrajińsczi wòjnë.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie