Reklama
Norwesczi princese òstôł rok żëcô
09/06/2026 22:54
Princesa Mette-Marit je wpisónô do pòsobicë żdającëch na przeszczép płëców. Òperacjô je cãżkô i nie dôwô gwarancje wëzdrowieniô.
Królewskô Bòlëca w Òslo przekôzała, że na lëstã òsób żdającëch na przeszczép płëców òstała wpisónô princesa Mette-Marit, białka princa Haakòna, nastãpnika norwesczégò tronu. Mette-Marit je chòrô na fibrozã płëców. Ta chòrosc sprôwiô, że w płëcach robią sã szramë i pòmale òprzestôwają òne dzejac. Ò chòroscë princesë je wiedzec òd dwa tësące òsmënôstégò rokù. W ternym stadium jedurnym métlã lékarzeniô je przeszczép. Bez niegò norwesczi princese òstôł leno rok żëcô. Lékarze przëznelë, że w slédnëch miesącach ji zdrowié mòckò sã pògòrszëło. Rodzëzna Mette-Marit przerwała swòje zagrańczné wëjazdë i sztudia żebë bëc blëżi ni. Òperacjô nie zagwësniwô wëzdrowieniô – jeden na òsmë òperowónëch nie przeżiwô pierszégò rokù, a dzesãc lat pò zabiegù dożiwô blós pòłowa. Królewskô Bòlëca w Òslo robi do trzëdzescë piãc przeszczépów płëców na rok, a dôwców przez ten czas pòjôwiô sã do sto dwadzesce, z czegò blós czwierc dô sã do zabiegù wëzwëskac. Data òperacje nie òstónie pòdónô do pùbliczny wiadë, żebë chronic priwatnosc przińdłégò dôwcë i jegò rodzëznë.
H.S.Sz.
Reklama
Komentarze opinie
Podziel się swoją opinią
Twoje zdanie jest ważne jednak nie może ranić innych osób lub grup.
Reklama
Wideo
Reklama
Najnowsze wiadomości
- 11/06 Co? Dze? Czedë? [12-14.06]
- 11/06 Do Somònina zôs baną
- 11/06 Rzekł, że je rusczim agentã i òstawił paczét
- 11/06 Ataka na slumsë kòl Johannesbùrga
- 11/06 Berlëno pòd atakã wąsewniców
- 11/06 HAÙSMERK - gbùrsczi herb
- 11/06 SĄDOWÉ NÓTË
- 10/06 Swiatowé hitë pò kaszëbskù
- 10/06 KASCHUBISCHE SPRACHE - wôrt znac!
- 09/06 Dwa miliónë na banowiszcze w Czerskù
- 09/06 Norwesczi princese òstôł rok żëcô
- 08/06 Falszëwé zgłoszenié do pòwieszonégò
- 08/06 Metropòlita zatrzimóny w Czesce, przeniosłi do Brazylie
- 08/06 Przeżił wnet tidzéń ò lodze i szokòlôdze
- 07/06 Słowò na niedzelã (7.06.26)
- 06/06 MERK - rëbacczi herb
- 04/06 Dzéń Dzecka w Kòlanie
- 04/06 Pakistańskô mafiô mòrdëje w Italsce
- 04/06 Pòdcãlë trzënôsce paplów
- 04/06 Zamòrdowôł ritualnym nożã
Komentarze