Ùczbòwniô dostała zgòdã na rëgniãcé z bùdacją, jaką zajimie sã firma Budimex.
Gduńsczi Ùniwersytet dostôł administracjowé zezwòlenié na bùdacjã Centrum Spòrtu na òlëwsczim kampùsu przë sztrase Wita Stwòsza. Ùgôdënk z wëkònôwcą, firmą Budimex, òstôł pòdpisóny łoni w czerwińcu. Wedle niegò, pierszi etap bùdacje mô òbjëmac pòstawienié spòrtowi halë z bòjiskã do kòszowi i sécowi balë i fùtsalu, a téż z mòcownią, zalama cwiczeniów i jizbama techniczny, socjalny i administracjowi òbsłëdżi. Pòtemù bùdowóné mô bëc nowé bòjiskò do nożny balë, òdemkłé kòrtë, bòjiska do kòszowi balë i pieglëszczowëch spòrtów, a na kùńc dwadzescepiãcmétrowô płëwnica. Òbiekt mô bëc òddóny do ùżiwkù w slédnym kwartale przińdnégò rokù. Całô bùdacjô mô kòsztac przez szescdzesąt jeden miliónów złotëch, z czegò do pòłowë zapłacy Ministerstwò Spòrtu, a négã ùczbòwniô z òbligacjów skarbù państwa. Centrum spòrtu mô pòsłëżëc sztudéróm ò widzałëch òsygach w krajewim i midzënôrodnym spòrce, a téż chòdzącym na zajmë fizycznégò wëchòwaniô, dzysdnia òrganizowónym w rozmajitëch placach pò całim Trzëgardze. Ùczbòwniô je téż òdemkłô na wespółrobòtã ze spòrtowima związkama, jaczim bãdze ùprzëstãpniwac nowé òbiektë w cządze, czej nie mdą jich brëkòwelë sztudérzë.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie