Reklama

Nowô ùczbòwniô we Gduńskù

Klëka

10/12/2025 14:00

Print screen ze starnë https://ug.edu.pl/

Szkòła z Krakòwa zawiesëła swój dogôdënk z Gduńsczim Ùniwersytetã, ale nalazła ju nowi plac na prowadzenié zajmów. Te zaczic sã mają w strëmiannikù.

Słëchającô ministrowi sprawiedlëwòscë Krajewô Szkòła Sądownictwa i Prokùraturë, dotądka dzejającô w Krakòwie, òdmikô swój part we Gduńskù. Ju w strëmiannikù bãdą pierszé zetkania aplikantów. Przódë krakòwskô ùczbòwniô bëła ùgôdónô z Gduńsczim Ùniwersytetã, że bãdze brëkòwac jegò bùdinków. Pòdpiselë nawetka dogôdënk, ale w smùtanie béł òn zawieszony. Terô ju je wiedzec, że Krajewô Szkòła Sądownictwa i Prokùraturë mô ùwidzóné jinszi plac: Bùdink we Wrzeszczu przë Grunwaldzczi aleje, gdze do niedôwna béł Kònsulat Chińsczi Lëdowi Repùbliczi. Ten òstôwô zamkłi òd smùtana ùszłégò rokù. Pòkąd równak bùdink nie òstónie pasowno przërëchtowóny na céle edukacje a przekôzóny filie krakòwsczi ùczbòwnie, na co jesz nie je wëznaczonô kònkretnô data, dlô aplikantów je wëbróny jinszi plac we Gduńskù. Pachtowóné bãdą jizbë w jednym z biórówców kòl szasëje Arkóńsczi na Przëmòrzim.

H.S.Sz.