Reklama

Nowô figùra Remùsa na Kaszëbach

Klëka

15/10/2025 13:52

Nowô żłobina bëła òdkrëtô z leżnoscë Dnia Nôrodny Edukacje w gòrãczińsczi szkòle.

W pòniedzôłk trzënôstégò rujana, przed Dniã Nôrodny Edukacje, spòdlecznô szkòła w Gòrãczënie fejrowała stopiãclecé jistnieniô, a piãcdzesątpiãclecé ternégò bùdinkù przë szkòłowi sztrase. Bëtny béł òkróm szkòłowi spòlëznë midzë jinszima wójt gminë Somònino Marión Krëszewsczi. Béł artisticzny wëstãp szkòlôków, pòdzãkòwania i wspòminczi, ale nôwikszi bôczënk ùczãstnicë dôwelë na sztaturã Remùsa pòstawionô przed szkòłą. Drzewianégò chłopa z karą z ksążkama wëżłobił Zenón Peplińsczi, a bënë ùkrëtô je kapsuła czasu do òdemkniãcô za cziledzesąt lat. W ni mają bëc pamiątczi i zapisënczi dlô przińdnëch pòkòleniów. Pòstawienié żłobinë bëło sfinancowóné z wòlnëch datków òd szkòłowi i môlowi spòlëznë.

H.S.Sz.

Załączniki