Reklama

Nowô kawniczka w Żukòwie dôwô plac robòtë wëkluczonym

Klëka

05/08/2025 10:57

Lokal dzejô kòl Kòscoła Wniebòwzãcégò Nôswiãtszi Marije Pannë w Żukòwie i prowadzy gò fùndacjô zajimającô sã midzë jinszima warkòwą aktiwizacją wëłączonëch.

W Dodomù Swiãtégò Norberta w Żukòwie kòl pònorbertańsczégò kòscoła zaczãła dzejac Norbertańskô Spòlëznowô Kawniczka założonô przez Fùndacjã Perspektiwã. Mô to bëc plac integracjowëch pòtkaniów, kòncertów i jinszich lokalnëch wëdarzeniów, wspiérający warkòwą aktiwizacjã lëdzy z niefùlsprôwnoscama i warkòwò wëłączonyma. Terô w kawiarnie robią dwie òsobë z niefùlsprôwnoscama, jaczé brałë ùdzél w òrganizowónëch przez Fùndacjã Perspektiwã warkòwniach zajmòwi terapie w Pãpòwie, a téż jedna warkòwò wëłączonô. Przedstôwcë fùndacje pòdsztrichiwają, że pòwstôwanié taczich lokalów mô baro pòzytiwny cësk na lëdzy, jaczi dotądka mòglë czëc sã niebrëkòwny, a terô mają robòtã i zdrój zôróbkù, w jaczi mògą sã zaangażowac.

H.S.Sz.