Reklama
Nowô wëdowiednô jednostka Eùropejsczi Ùnie
12/11/2025 10:11
Procëm ùdbie Eùropejsczi Kòmisje mògą bëc pòjedinczné kraje a téż ùrzãdnicë dzysdnia dzejającégò òrganu.
Britijsczi dniownik „Financial Times” pòdôł, że Eùropejskô Ùniô chce ùsadzëc nową wëdowiedną jednostkã. Mô dzejac w òpiarcym ò wëmianã infòrmacjów midzë wëdowiednyma służbama krajów-nôleżników midzë sobą a téż z Eùropejską Kòmisją. Przédniczka Eùropejsczi Kòmisje Ùrsula von der Leyen miałabë téż dozerac robòtë nowi jednostczi. Te wiadë pòchôdają òd rzecznika Kòmisje. Ùsadzenié jednostczi mòże bëc brëkòwné z pòzdrzatkù na corôz czãstszé dzejania Rusczi na teritorium krajów Ùnie, a téż zapòwiescë zmniészeniô pòmòcë dlô Eùropë ze starnë Zjednónëch Stanów. Jinszi rozmówcë w gôdce z dniownikã delë téż bôczenié na to, że procëm ùdbie gwës bãdą ùrzãdnicë Wëdowiednégò i Sytuacjowégò Centrum Eùropejsczi Ùnie, chtërny mają lãk, czë nowô jednostka nie zdëbeltni jich fùnkcje i nie sprawi, że jistnienié dotëchczasnégò òrganu stónie sã niebrëkòwné. Skùtkòwnosc robòtë Wëdowiédzowégò i Sytuacjowégò Centrum je równak òd dłëgszégò czasu niegwësnô, prawie w ùprocëmnienim do òstatnëch dzejaniów Rusczi. Są téż zbòjania co do pòstawë krajów-nôleżników, gdze są rządë ùznôwóné za prorusczé, jak Madżarskô – z jich starnë mòże bëc direktné sprocëmnienié wedle rozkòscérzeniô kómpetencjów Brukselë.
H.S.Sz.
Aktualizacja: 12/11/2025 10:11
Reklama
Podziel się swoją opinią
Twoje zdanie jest ważne jednak nie może ranić innych osób lub grup.
Reklama
Wideo
Reklama
Komentarze opinie