Môłi sztëczk lądu ùsëpôł sã w grańcach „Méwi Łachë” kòl Mikòszewa. Jak długò przedërchô – ni ma wiedzec.
W Mikòszewie w gminie Stegna na Zëławie mòrsczé sztormë i żochë ùsëpałë nowi cëpel na wschódny starnie ùscô Wisłë. Jidze sã na niegò dostac òd weńdzeniô numer òsmëdzesąt òsmë. Cëpel je jesz dosc môłi, òsoblëwie jak gò przëmierzec do cëplów na Hélu czë kòl Réwë, ale ju jidze na nim pòszpacérowac. Dalszé dzejanié rodë mòże nen cëpel jesz pòwikszëc, ale wikszi sztorm mòże gò téż narôz rozwalëc – drãgò przewidzec jegò przińdnotã. Czejbë równak roda ùcwierdzëła to, co sã ji ùkùlało, gwës że scygnie to do Mikòszewa turistów. Mikòszewsczi cëpel słëchô do Rezerwatu Rodë „Méwiô Łacha”, jaczi chróni nôtërno tam mieszkającé ptôchë, jak méwë, rëbôczi, biegôcze i dzëwé kaczczi, a jidze tam téż pòtkac zélińtë i chrónioné stanowiszcza rzôdczich roscënów jak òstropùs.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie