Szescdzesątlatny Mark Carney przejimnął ùrząd przédnika rządu w Òttawie pò rządzącym dzesãc lat Justinie Trudeau.
W piątk sztërnôstégò strëmiannika ùstãpiwającégò pò dekadze rządów premiérã Kanadë Justina Trudeau zastąpił ùszłi szef centralnégò bankù tegò kraju, Mark Carney. Nowi przédnik Liberalny Partie òstôł zaprzësyżony przez generalną gubernatórkã Mary Simon razã z rządã, jaczi mô bëc pòłowã mniészi jak rząd Justina Trudeau. Wiele ministrów w nim òstało, chòc part òstôł òbsadzony na jinszé abò dodôwkòwé resortë. Szescdzesątlatny Mark Carney je pòliticznym nówcã i jak dotądka nie òbjimôł niżódnégò wëbiérnégò pùblicznégò ùrzãdu. Nowi premiéra bãdze mùszôł zajic sã kwestią federalnëch welacjów, jaczé bë miałë bëc zrëchtowóné nôpózni w rujanie, le wedle kanadijsczich mediów baro mòżebné je jich chùtszé zrëchtowanié na zymkù. Carney nie pòdôł do wiadë swòji decyzje. W inaùgùracjowim przemówienim zapòwiôdôł zjinakã relacjów ze Zjednónyma Stanama, jakno z krajã, chtërnémù ju ni mòże dowierzac. W przińdnym tidzeniu premiéra mô pòjachac na pierszé zagrańczné wizytë do Londinu i Pariza.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie