Reklama

Nowi spòrtowi kómpleks w Nowi Karczmie

Klëka

10/09/2025 10:04

Òbiektë bãdą służëc nié leno szkòłóm, bò brëkòwac jich bãdą téż lokalné spòrtowé karna, co mô przëczënic sã do promòcje spòrtu w gminie.

W Nowi Karczmie òdemklë nowi spòrtowi kómpleks kòl spòdleczny szkòłë. Jegò bùdacjô kòształa sétmë miliónów złotëch, z czegò trzë miliónë ùdëtkòwieniô bëłë z Fùnduszu Rozwiju Fizyczny Kùlturë, a dwa miliónë trzësta tësący z Pòlsczégò Ładu. Pòwstôł midzë jinszima plac do grë w fùsbalã, plac zôbawów, tenisowi kòrt, letkòatleticznô infrastruktura i zdrzadniô. Na òdemkniãcym bëlë przedstôwcë gminnëch wëszëznów, mùndurowëch służbów, lokalny pòliticë, òrganizacje, szkòlôcë i mieszkańcë. Wójt gminë Nowô Karczma Andrzéj Pòllak w przemówienim gôdôł ò tim, że na tã inwesticjã gmina żdała czilenôsce lat, przez jaczé rozbùdowiwónô bëła szkòła i spòrtowô hala kòl ni. W czasu ùroczëznë pòzeszłi minutą cëszë przëwdarzëlë téż niedôwno ùmarłégò Dariusza Mãczëkòwsczégò, wielelatnégò direktora szkòłë.

H.S.Sz.

Załączniki