Ùroczëzna w Stôromiesczim Rôtëszu jak co rok zgromadzëła rodzëznë i drëchów laùreatów, media, a téż ùczãstników kùlturalnégò żëcégò na Pòmòrzim.
We strzodã dwadzestégò szóstégò strëmiannika Karno Sztudérów Pòmòraniô pòprowadzëło galã przëznaniô Medalów Stolema za łońsczi rok w Mieszczańsczi Zalë Stôromiesczégò Rôtësza we Gduńskù. Ùroczëzna zaczãła sã ò szósti pò pôłnim. Òdznaczonëch nôdgrodą za òsygniãca w bùdowaniu i pòpùlarizowaniu kùlturowégò doróbkù Kaszub i Pòmòrzégò òstało latos dwòje laùreatów: doktór Justina Pòmierskô i profesór Daniél Kalinowsczi. Zgòdą z tradicją òstelë wprowadzony do karna stolemòwców przez òsobë, chtërne dostałë medal w ùszłich latach. Tegò zadaniô pòdjimnãlë sã profesór Mark Cëbùlsczi i profesór Duszan Pażdżersczi. Na ùroczëznie bëłë téż media i wëszëznë Kaszëbskò-Pòmòrsczégò Zrzeszeniégò, a dodôwkòwò ùbëlnił jã téż kòncert mùzycznégò karna „Demore”, jaczé twòrzą ùczniowie z Pierszégò Òglowòsztôłcącégò Liceùm w Kòscérznie. Winszëjemë laùreatóm jedny z nôbarżi achtnionëch nôdgrodów w kaszëbstwie. H.S.Sz.
Twoje zdanie jest ważne jednak nie może ranić innych osób lub grup.
Komentarze opinie