Pòstãpné przëtrôfczi ataków nożã w Niemcach bùdzą wątplëwòtë co do bezpiekù na latosym bajersczim swiãce piwa. Służbë zaòstrzëłë regle wstãpu na festiwal.
W sobòtã 21. séwnika w bajersczim Mnichòwie (München) zaczął sã latosy Oktoberfest – nôsłôwniészé swiãto piwa na swiece. Ta wiôlgô rozegracjô co rok gòscy kòl 6 miliónów lubòtników piwa, ale téż niemiecczi lëdowi kùlturë i spòlëznë festiwalu skłôdający sã z przedstôwców wiele nôrodów.
Na skùtk roscącégò pòczëcô zagrôżbë islamsczim terrorizmã w Niemcach, latos wprowôdzoné òstałë zwikszoné spòsobë bezpiekù. Chòc minister bënowëch sprawów Bajerów Joachim Hermann wskazéwô, że ni ma maklewnëch dokazów na to, żebë miôł bëc rëchtowóny jaczis atak, to mùszebné bëło wprowadzenié czile dodôwkòwëch reglów. Na teren Oktoberfestu latos ni mòże wnoszëwac rubzaków, wiôldżich taszów, nożów ani sklónëch bùdlów. Bëtnicë wëdarzeniô są sprôwdzóny przez szandarów, wëriwkòwò téż z ùżëcym sprzãtu do wëkriwaniô metalu. „Zrobimë tak, żebë Oktoberfest béł tak bezpieczny, jak to je mòżebné” – gôdô bùrméster Mnichòwa Dieter Reider.
Latosy festiwal kùńczi sã 6. rujana. Gòsce chãtny pòszmakac znónégò na całi swiat piwa zapłacą dosc tëli – nawet 15 eùro za litrowi zédel.
Twoje zdanie jest ważne jednak nie może ranić innych osób lub grup.
Komentarze opinie