Zarô pò ògłoszenim wëników partie òpòzycje ùznałë je za zfalszowóné przez procëmzôpadną rządzącą partiã.
W sobòtã 26. rujana w Grëzóńsce bëła parlamentarnô welacjô, w jaczi wedle òficjalnëch wëników pòdónëch przez centralną welacjową kòmisjã dobëła reprezentëjącô procëmzôpadné zgrôwë rządzącô partiô Grëzóńskô Rojitwa, na jaką padło 54% głosów. Partie, jaczé chcą integracje z eùropejską pòspólnotą, zwëskałë wedle tëch kòmùnikatów wënik 37,5% i nie dałë radë skùńczëc z dërchającą òd 12 lat dominacją swòjich procëmników.
Pòliticë Grëzóńsczi Rojitwë, chtërny wódcą je miliardéra Bidzyna Iwaniszwili, zaczãlë fejrowanié zwënédżi. Przedstôwcë òpòzycjowëch partiów przékùją prôwdzëwòscë ògłoszonëch wëników. Kòalicjô dlô Zmianë, jakô wëbiôtkòwała nôwëższą wielënã głosów zarô pò dobiwcach, ògłosëła że nie mdze legitimizowała „głosów ùkradłëch grëzóńsczémù nôrodowi”, a ji kandidacë òdpùszczają ùdostóné mandatë. Liderka Kòalicje Nana Malaszchia pòdsztrichiwô, że chòdzy ò 20 pierszich kandidatów z lëstë. Jinszé partie jesz nie wëdałë szlachòwnëch ògłosów.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie