Tôkle z òddichanim, na jaczé w slédnëch dniach cerpiôł Francëszk, bëłë sparłãczoné z zapôlenim płëców.
Ju òd szóstégò gromicznika Apòsztolskô Stolëca òdwòłiwała ùdzél papieża Francëszka w pòstãpnëch wëdarzeniach. Pòwtôrzałë sã wiadë ò jiwrach z òddichanim, jaczé ùnimòżebniwałë papieżowi czëtanié tekstów przemów, katéchezów i homiliów. Pò tim jak w piątk sztërnôstégò gromicznika reno Òjc Swiãti òstôł przëjãti do specjalisticzny kliniczi Gemelli, wiadła ò jegò gòrączce i wstãpnym scwierdzenim infekcje òddechòwëch dargów zbùdzëłë nieùbëtk. We wtórk òsmënôstégò gromicznika wëdóny òstôł lékarsczi kòmùnikat, wedle jaczégò òsmëdzesątòsmëlatny Francëszk mô dëbeltné zapôlenié płëców i w nôblëższé dni òstónie w bòlëcë, żebë przëjimac léczi. Watikańsczé zdrzódła pòdôwają, że papiéż nimò chòroscë mô sã dobrze, przëjimô kòmùniã, mòdli sã i czëtô. Dzãkùje za wszëtczé mòdlëtwë i prosy ò pòstãpné. Bòlëca pòcwierdzywô téż, że chòri òddichô samòstójno.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie