Jak pòdôwô Watikan, ò piãc pò wpół do ósmi reno Biskùp Rzimù Francëszk òdeszedł do Òjca dodóm.
W Jastrowi Pòniedzôłk dwadzestégò pierszégò łżëkwiata kamerling Swiãtégò Rzimsczégò Kòscoła kardinał Kevin Farrell pòdôł, że reno w Dodomù Swiãti Martë w Rzimie Papiéż Francëszk ùmarł. Pòchôdający z Argentinë jezuita Jorge Mario Bergoglio ùrodzył sã w tësąc dzewiãcset trzëdzestim szóstim rokù w Buenos Aires, a papieżã òstôł trzënôstégò maja dwa tësące trzënôstégò rokù. Ùmarł òsmëdzesąt òsmë lat stôri. Jegò pòntifikat dérowôł dwanôsce lat. „Jegò całé żëcé bëło namienioné służbie Panu i Jegò Kòscołowi. Òn naju naùcził żëc wôrtnotama Ewanielie z wiérnotą, òdwôgą i pòwszédną miłoscą, òsoblëwie do żôrotnëch i marginalizowónëch. Z niezmierzoną wdzãcznotą za jegò przëmiôr prôwdzëwégò ùczni Pana Jezësa pòwiérzómë dëszã Papieża Francëszka nieskùńczony miłoserny miłoscë Bòga Jednégò w Trójcë” – czëtómë w òficjalnym kòmùnikace. Razã ze smiercą papieża rëgnãłë przërëchtowania do pògrzebù i pòstãpnégò kònklawe.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie