Na państwòwi pòchówk przëszlë nié blós rodzëzna i mieszkańcë Serakòjców, le téż przedstôwcë wëszëznów i pùblicznëch służbów.
We czwiôrtk dwadzestégò ósmégò zélnika w Serakòjcach béł pògrzéb sztërdzescëpiãclatnégò ògniarza Kristiana Dułaka, jaczi zdżinął w czasu akcje gaszeniô ògnia halë firmë Mielewczik w Kawlach trzënôstégò zélnika. Jegò cało ùdało sã wëdostac z rëjnów tidzéń pò zdarzenim. Pògrzéb béł państwòwi, brelë w nim ùdzél przedstôwcë ògniowi starżë, pòlicje, samòrządu, Kòscoła i państwòwëch wëszëznów. Mszã za ùmarłégò òdprawił pòmòcny biskùp gduńsczi archidiecezje Wiesłôw Szlachetka, a na ji kùńc òdczëtóny béł lëst òd prezydenta Karóla Nawrocczégò, jaczi pòsmiertno przëznôł mù Złoti Krziż Zasłëdżi. Ùmarłi dwadzesce lat służił w Òchòtniczi Ògniowi Starżë w Serakòjcach. Pòchòwóny òstôł na smãtarzu przë kòscele swiãtégò Môrcëna.
H.S.Sz.
Twoje zdanie jest ważne jednak nie może ranić innych osób lub grup.
![Co? Dze? Czedë? [3-8.08]](https://cdn.cmc-gallery.pl/static/files/gallery/590/thumb__1884964_1756835684.webp)
Komentarze opinie