Firma Ecothermo Systems infòrmùje ò aùditach za darmôka i dotacjach dlô mieszkańców. Wójt òstrzégô przed mòżebnym szachlarstwã.
Ùrząd Gminë Sëlëczëno dôł òstrzégã przed pòdezdrzónyma lecónkama pòrozwiészónyma na terenie gminë. Na kôrtkach mòże przeczëtac ògłos, że òd 6. gromicznika na terenie gminë mają bëc prowadzoné aùditë nierësznotów za darmôka, mającé sprawdzëc mòżebnosc mòntażu fòltowòltajiczi, pómpë cepła, piécków na pellet, kòlchëczowi wiatrowi turbinë i magazynu energie. Na mòntôż niechtërnëch z nich mają bëc przëznóné dotacje dlô mieszkańców, a to wszëtkò zagwësniwô firma Ecothermo Systems, jakô ju we wiele placach w Pòlsce rozwiészô taczé lecónczi. Wójt gminë Sëlëczëno Paùel Trzebiatowsczi òstrzégô, że Ùrząd nie wespółrobi z ną firmą, a mieszkańcë mùszą miec bôczenié na taczé zachãcbë. W gminie fùnsknérëje kònstultacjowi pùnkt programù Czësti Lëft, i do kòrzistaniô z niegò zachãcywô gmina. Tam mieszkańcë mògą rechòwac na rzetelné infòrmacje ò mòżnocë ùdostaniô ùdëtkòwieniô na mòntôż ùrządzeniów òdnôwialny energie kòl swòji chëczë.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie