Reklama

Pòdpiselë pòrozmienié ò ùsadzenim industriowò-technologiczny conë w Wòjanowie

Klëka

17/09/2025 10:05

Òdj. Ł. Tokarczyk; zdrzódło: www.pomorskie.eu

Projekt mô pòdwignąc pòzycjã Pòmòrzégò w krajowi a téż midzënôrodny kònkùrencje.

W Wòjanowie w gminie Pruszcz Gduńsczi pòwstac mô Pòmòrsczi Technologiczno-Industriowi Park, w jaczim przez piãcset hektarów inwesticjowëch terenów mô bëc namienioné dlô firmów, co sã zajimają półprowadnikama, elektromòbilnoscą i nowima industriowima technologiama. Pòrozmienié ò wespółrobòce òkòma ùsadzeniô nowi conë rozwiju pòdpiselë marszôłk pòmòrsczégò wòjewództwa Mieczësłôw Struk, wicemarszôłk Leszk Bòna, przedstôwcë Pòmòrsczi Ekònomiczny Conë, Agencje Rozwiju Pòmòrzégò, firmë Pòlhoz i gminë Pruszcz Gduńsczi. Wedle marszôłka Struka bãdze to jedna z nôwikszich i nôwôżniészich inwesticjów w historie Pònòrzégò. Ji ùsadzenié mô stwòrzëc czilenôsce tësący placów robòtë, pòcygnąc za sobą rozbùdowã infrastrukturë i wëzwëskac pòtencjał òbéńdów kòl wãzła Rusocëno. Na terenie namienionym pòd bùdacjã parkù ju są zrobioné geòlogiczné badérowania i wstãpné analizë dopasowaniô terenu dlô inwestorów.

H.S.Sz.

Załączniki