W gminie Bëtowò białka zwiornãła z chëczë zaatakòwónô przez ùszłégò mùlka. Czej warnãła z szandarama, dodóm stojôł w płomieniach.
W piątk sztërnôstégò gromicznika w Môłim Pòmëskù w gminie Bëtowò trzëdzescësétmëlatny chłop wlôzł do chëczë swòjégò ùszłégò mùlka przez dwiérze, w jaczich wëbił rutã. Grozył białce, jakô zazwòniła na pòlicjã. Atakòwnik zabrôł ji mòbilkã, a òna nëknãła przed nim z chëczë. Ùcekającë, pòtkała szandarów, jaczi ju jachelë do zgłoszeniô. Wzãlë jã ze sobą, ale na placu òbôczëlë, że chëcz je pòdpôlonô. Szandarzë wezwelë ògniową starżã i ewakùòwelë rodzëznã z sąsadnégò mieszkaniô. Nikòmù z nich nick sã nie stało, ale dodóm dwadzescedwalatczi, nimò starë przëjachónëch na môl ògniarzów, zeżôlił sã do czësta – stratë òbtaksowelë na dwasta tësący złotëch. Szandarzë zarô rëgnãlë z szëkbą za ùcekłim sprôwcą. Przez czilenôsce gòdzyn sznëkrowelë pò òkòlim, le w kùńcu złapelë gò w Bëtowie, czej wëchôdôł z jednégò z hotelów. Béł tam zameldowóny pòd falszëwim mionã. Òstôł aresztowóny na trzë miesące, a grozy mù do dzesãc lat sôdzë.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie