Fliger zaczinôł tegò dnia swòjã trzecą i slédną lecbã. Nie przeżił nicht na jegò pòkładze.
W niedzelã trzënôstégò lëpińca pò pôłnim na latawiszczu London Southend, kòl piãcdzesąt szesc kilométrów na wschód òd Londinu, krótkò pò starce rozbił sã môłi, dwanôscemétrowi fliger słëchający do flotë holendersczi firmë Zeusch Aviation. Zdżinãlë wszëtcë lëdze na pòkładze – dwùch pilotów i dwùch pasażérów. Wszëtcë bëlë cëzyńcama. Maszina miała ju za sobą tegò dnia lecbë z Grecje do Chòrwacczi i z Chòrwacczi do Anielsczi, a célã slédny lecbë miôł bëc domôcy pòrt w Lelystad w Holandie. Krótkò pò òderwanim òd zemi i zôczątkòwim wzloce fliger przeczidnął sã w lewò i rozbił sã ò zelony pas kòl startowégò. Maszina stanãła w ògniu. Zarô pò katastrofie latawiszcze strzimało òdprawã i przëjimanié wszëtczich jinszich fligrów.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie