Reklama

Pierszi nowi kòt òd sto trzech lat

Klëka

21/09/2026 19:27

Zãbë domôcégò pùjka. Pòzdrzatkòwi òdjimk. Òdj. Gabriel González from España – https://www.flickr.com/photos/gaby1/7160172507/; zdrzódło: https://pl.wikipedia.org/wiki/Kot_domowy#/media/Plik:Cat_teeth.jpg

Bòliwijsczi badérzë mają pòd òpieką jedurnégò znónégò nôùce òsobnika. Niglë do nich trafił, jeden chłop przez rok trzimôł gò doma.

W Bòliwie òdkrëlë nowi gatënk kòta. Jeden chłop z La Paz nalôzł òsobnika i mëslôł, że to zwëczajné kòcã, tej wzął gò dodóm. Trzimôł gò kòl rok ù se, ale tej pòznôł, że je to dzëwé zwierzã i òddôł gò do w rãce badérów. Trafił do òstrzódka dlô dzëwëch zwierzãt òrganizacje Senda Verde. Z zôczątkù mielë gò za òsoblëwégò tigrisowégò òcelota. Dostôł miono Tigrino. Badérka Paòla Nogales-Ascarrunz z Wëższégò Ùniwersytetu Swiãtégò Andrzeja w La Paz żorgała, żebë prowadzëc badérowania nad Tigrino. W kùńcu genotipòwé testë pòcwierdzëłë, że mùszi bëc przedstôwcą apartnégò gatënkù. Jinszich jegò przedstôwców nie ùdało sã badéróm nalezc. Robòtnicë òstrzódka, w jaczim mieszkô Tigrino, są równak gwës, że mùszi bëc jich w lasach wicy. Gatënkòwi delë pòzwã Leopardus tilcayo, z drëdżim członã wzãtim òd lëdowi pòzwë tegò kòta, brëkòwóny téż na tigrisowégò òcelota. To pierszi nowòòdkrëti gatënk kòta òd sto trzech lat. Tigrino je mniészi jak domôcy kòt, mô jasnobruną serzchel z cemnyma rozétowatima plachcëkama, krótczé ùszë, dłudżé wąsë i wëcygłą gãbã. Żgrze môłé grëzonie, béł przódë kôrmiony nudlama, rizã i jajama. W nocë je barżi aktiw. Mòże to dawac pòzdrzatk na tipiczné zachòwanié ë wëzdrzatk jinëch przëdstôwców gatënkù.

H.S.Sz.

Czytaj nas w Google

Dodaj do Google

Źródło i opracowanie własne