Lankijsczi gangstéra òstôł zastrzélony w sądze przez chłopa przezeblokłégò za prawnika. Pòmagac mù miało nômni trzech lëdzy.
We strzodã dzewiãtnôstégò gromicznika w Rejonowim Sądze w Kòlombo na Sri Lance miała bëc sprawa ò kaùcjã wódcë jednégò z tamecznëch gangów. Z pòzdrzatkù na rizykò atakù ze starnë kònkùrencjowëch przesprôwczich karnów, Sanjeewa Kumara Samararathne, pòdezdrzóny ò czile mòrdarstwów, béł przewiozłi do sądu przez cãżkò ùzbrojoną eskòrtã kòmandosów ze specjalnëch sëłów. Czedë wchòdzył na zalã rozprôw, chłop przezebłokłi za prawnika pòstrzélił gò z rewòlwérë i zwiornął z sądu. Gangstéra ùmarł w bòlëcë, a jegò zabójca òstôł złapóny. Dérëje szëkba za dwadzescepiãclatną białką, jakô miała wniesc rewòlwérã do sądu w wëkùmóny òd bëna ksążce – służbë przërzekłë nôdgrodã za wiadë ò wespółrobòtniczce atakòwnika. Aresztowóny òstelë téż jeden szandara i czerowca vana, chtërny mielë pòmòc w przërëchtowanim atakù. Parlament Sri Lanczi ùdbôł so pòdjic pòwôżné dzejania procëm zòrganizowónémù przesprawiémù. W sądach òstałë wprowadzoné dodôwkòwé regle bezpiekù – òd terô òb przesłëchania pòwôżniészich przesprôwców bãdą do nich séłóny ùzbrojony starżnicë.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie